|
Carbonia est una cittadi situada in su Sulcis, in sa provincia de Casteddu. Nascid in su 1938 de su bisongiu de sfruttai is minieras de lignite de su Sulcis, ind unu territoriu casi completamenti disabitau. S’abertura de is minieras iad provocau unu flussu immigratoriu, populendu in pagu tempus sa cittadi de personas provenientis de zonas diversas de sa Sardigna e de su Continenti. In su 1947, Sarbadori Angioni originariu de Norbellu (OR) e Angela Lilliu originaria de Terralba (OR) babbu e mamma de Francu Angioni iant rilevau su locali aundi tenid sedi attualmenti Poppy’s. Immigraus issus puru in occasioni de s’abertura de is minieras de craboni, de su locali nd’iant fattu una locanda denomenada “Bar del minatore”, finzas a su 1984. Ma torraus a sa famiglia Angioni. In su 1982 Francu, giovunu, partid po s’Inghilterra, chi ad a diventai unu de is logus preferìus in is viaggius suus foras de sa Sardigna, tanti chi ad a biviri po sett’annus in tottu in sa cittadi de Londra. I esti duranti custas permanenzias longas chi nascid in Francu Angioni s’idea de unu Pab de stili inglesu. Infatti in su 1984, a sa torrada de una de is permanenzias suas in Inghilterra, iad decidiu de cumenzai is primus traballus po strutturai de nou su locali chi ad a nominai “Hayley’s pub”, po arregordu de sa stella cometa chi in cuss’annu fiad visibili in is celus nostus. Ma esti in su 1986 chi su locali ad a pigai su nomini de Poppy, derivau de s’allumingiu chi is amigus iant donau a Francu. In su 1989 benid avviada sa segundu parti de is traballus e a s’accabada in prus de su Fast-food intrad in funzioni puru sa Pizzeria. De su 1993 finzas a su 16/12/1995 (dì de s’abertura de nou), su locali ad abarrai serrau po sa terza e prus importanti “ristrutturazioni”. Duranti cussu tempus Francu si occupad scetti de importazioni e distribuzioni de birra Charles Wells.
Oi Poppy si presentad aicci: a s'intrada un ambienti destinau a sa Birreria in su cali è presenti un banconi imponenti de linna, prus in fundu agataus unu aposentoni de prandi destinau a su Ristoranti e a sa Pizzeria. Duus ambientis pragibilis, in stili Pub inglesu perfettu, chi ponint subitu a comudu suu su clienti. Balid sa pena de sottolineai sa cura chi su proprietariu, Francu Angioni, ha postu in su guarnimentu de su locali. Tottu, de sa porta a is mesas, de su banconi de su bar a is cosas espostas in tottu su locali, funti oggettus verus de antiquariau, chi provenint de beccius pub inglesus. Su dominariu, comenti apparid oi, è su risultau de sa strutturazioni de nou prus importanti fatta tra su 1993 e su 1995, duranti sa cali est istetia posta un'attenzioni particulari in sa conservazioni e su restauru de is linnas originarias de sa domu beccia de su meri, de is calis ancora oi è possibili ammirai sa struttura e chi rendint su locali unu testimongiu veru e propriu de sa storia de su logu. E immoi seus prontus a allabai su proprietariu po sa grandu attenzioni chi ponid in su scioberu de is materias primas integralis e biologicas in sa cogina sua. Siad in sa pizzeria che in su ristoranti si traballad cun produttus friscus de stagioni e de provenienzia locali. Dogna dì, in su forru a linna, si produsid puru su pani, po su prangiu e sa cena. Po su periodu de istadi è presenti una grandu terrazza a s'abertu cun crobetura in linna, circundada de birdi, chi ponid a disposizioni aterus 300 postus. Interessanti è sa possibilidadi de organizzai cerimonias e festas privadas. Puru po is pipius si organizzant festas de cumpimentu de annus in is orarius de is 18,30 a is 20,30. In su locali è possibili ascurtai musica "dal vivo", cun gruppus affirmaus, de is calis unuscantu provenientis de s'Inghilterra. Ananti de su locali è presenti unu grandu parcheggiu.
|
A su segundu pianu est in progettu una prossima strutturazioni de nou, po realizzai unu ristoranteddu chi ad a offriri unu serviziu de calidadi altissima, adattau a is gustus prus esigentis.Infatti ad essiri possibili scioberai is alimentus e sa cantidadi, prima de sa preparazioni. Ma non solu, duranti su propriu prangiu s'ant a podiri gustai calidadis diversas de binus Doc e scioberai de borta in borta su prus adattau po accumpangiai dogna pietanzia. Su ristoranti s'ad a basai massimamenti asuba de sa cogina tipica sarda, accumpangiada de binus Doc regionalis, cun s'iscopu de promoviri e valorizzai sa cogina tipica de su logu.
|
Sa storia de Poppy’s è
ligada, in parti, a sa storia de sa cittadi de Carbonia e totu.
